കഥകള്‍

കടന്നു പോവുന്ന പകലുകളുടെ

സഞ്ചി നിറയെ കഥകളാണ്.

സ്വപ്നങ്ങളെ പറ്റി,

യാഥാര്‍ത്ഥ്യങ്ങളെ പറ്റി,

കടിഞ്ഞാണില്ലാത്ത മോഹക്കുതിരകളെ പറ്റി,

കണ്ണില്‍ നിന്നൂ‌ര്‍ന്നു വീഴുന്ന

കടലിന്റെ രുചിയുള്ള,

നിന്റെ ഓര്‍മ്മയുടെ കയ്പുള്ള

നിലാത്തുള്ളികളെ പറ്റി,

കവിളില്‍ അരുണിമ പരത്തുന്ന

സുന്ദരാനുഭവങ്ങളെ പറ്റി,

ശു‌ന്യതയ്ക്ക് നിറം കറുപ്പെന്നു

അനുഭവിച്ചറിയിച്ച രാത്രികളെ പറ്റി

എങ്ങോ പതിയിരിക്കുന്ന

കറുത്ത മുഖവും വെളുത്തപല്ലുമുള്ള

മരണത്തെ പറ്റി,

നെഞ്ഞിന്കൂട് പിളര്‍ക്കുന്ന

വേദനയെ പറ്റി,

കത്തിയെരിയുന്ന ജഠരാഗ്നിയെ പറ്റി,

എല്ലാം കഥകളാണ്...

പലവര്‍ണത്തിലുള്ള കഥകള്‍....