മരണം

അവളുടെ മരണം
പത്രത്തിലെ വാക്കുകളുടെ
കൂട്ടായ്മ ആണ്.
പുലര്കാലങ്ങളിലെ ചായ വിളിയിലെ
മൌനങ്ങള്‍ ആണ്.
അരണ്ട മൂലയിലെ കസേരയിലുള്ള
ശൂന്യത ആണ്.
അടുക്കളയിലെ കലപില പാത്രങ്ങളുടെയും
തൂവി വീഴുന്ന മഞ്ഞള്‍ പൊടിയുടെ
ഇല്ലായ്മയാണ്.
നിറഞ്ഞു നില്‍ക്കുമ്പോഴും,
സ്പര്സനം അറിയാത്ത
ജീവവായുവിന്റെ
നിമിഷനെരതെക്കുള്ള
അഭാവമാണ്.
പിന്നെ പതുക്കെ എല്ലാം
പൂര്വഗതിയിലാവുന്നു...
സുന്യതകളില്‍ മറ്റാരോക്ക്യോ നിറയുന്നു..